Ռազմական գործողությունների աշխարհագրական շրջանակը կընդլայնվի, եթե ԱՄՆ նախագահ Դոնալդ Թրամփը որոշի վերսկսել ագրեսիան Իրանի դեմ, հայտարարել է իրանցի զինվորական պաշտոնյա Մոհամմադ Աքրամինիան։ «Եթե ԱՄՆ նախագահը որոշի տարածաշրջանում դիմել հերթական արկածախնդրության, ապա կասկած չկա, որ պատերազմը կտարածվի ավելի լայն աշխարհագրական տարածքի վրա, և թե ինչպես այն կավարտվի՝ արդեն նրանից կախված չի լինի»,-գրել է Աքրամինիան X սոցիալական ցանցում: Ըստ նրա՝ իրանական զինուժը շարունակաբար բարձրացնում է իր մարտական ​​պատրաստականությունը և մշտադիտարկում տարածաշրջանում ԱՄՆ-ի գործողությունները։