Իլհամ Ալիևը որոշել է չմասնակցել Անկարայում մեկնարկող Թուրքական պետությունների կազմակերպության գագաթնաժողովին: Ինչո՞վ է պատճառաբանում. մանրամասներ է ներկայացրել Արտյոմ Երկանյանը: «Այսօր հաստատվեց տեղեկությունն այն մասին, որ Ադրբեջանը գագաթնաժողովում ներկայացնելու է արտգործնախարար Ջեյհուն Բայրամովը՝ այն դեպքում, երբ կազմակերպության անդամ մնացած բոլոր պետությունները ներկայացված են լինելու առաջին դեմքերով: Անգամ դիտորդ պետությունները՝ Թուրքմենստանը և Հյուսիսային Կիպրոսի ինքնահռչակ թուրքական հանրապետությունը, նույնպես առաջին դեմքերով են ներկայացված լինելու: Պետական «ԱՊԱ» գործակալությունն այսօր ներկայացրել է պատճառները, որոնք խանգարել են Իլհամ Ալիևին մասնակցելու գագաթնաժողովին: Պարզվում է, որ Ալիևը չափազանց զբաղված է, շատ ավելի կարևոր միջոցառումներ են նախատեսված այդ օրը: Մասնավորապես՝ այդ օրը, այսինքն՝ վաղը՝ հոկտեմբերի 30-ին, նա մտադիր է մասնակցել մինչև 15 տարեկան երեխաների ֆուտբոլի առաջնության եզրափակիչ խաղին»,-ասել է Երկանյանը: Վերջերս Էրդողանը Ալիևին ընդառաջ քայլեր ձեռնարկեց: Ալիևը դրանք անբավարա՞ր համարեց: Մանրամասները՝ ամբողջական հարցազրույցում: