Ընտրություններից երեք օր անց իշխանությունները հայտարարեցին՝ հաղթած «Գործարար» կուսակցության հետ նախապես պայմանավորվել էին ու միասին են ձևավորելու տեղական իշխանությունը։ Մինչդեռ իրավապաշտպան Գևորգ Քոթանջյանի ուսումնասիրել ու պնդում է, որ «Գործարար» կուսակցությունն ընտրատարածքային հանձնաժողով է ներկայացրել թեկնածուների ոչ ճշգրիտ տվյալներ, ինչն օրենքով հիմք էր կուսակցության գրանցումը մերժելու համար։ «Գործարարի» 35 հոգանոց ցուցակի 9 թեկնածու փաստացի անկուսակցական են կամ «Քաղաքացիական պայմանագրի» անդամներ։ Սա օրենքով թույլատրելի առավելագույն շեմն է։ Սակայն Լոռու մարզպետն ու քաղաքապետի թեկնածու Արմեն Գրիգորյանը պնդում են, թե մի շարք թեկնածուներ՝ այդ թվում ինքն ու իր տեղակալը, ընդամենը «սառեցրել էին» իրենց անդամակցությունը ՔՊ-ին, հետևաբար կարող էին հանդես գալ որպես անկուսակցական կամ իշխող ՔՊ-ի անդամ։