ԵՐԵՎԱՆ, 29 հոկտեմբերի – Sputnik. Ադրբեջանի նախագահ Իլհամ Ալիևը չի մասնակցի Թուրքիայում կայանալիք Թյուրքական պետությունների կազմակերպության (ԹՊԿ) 13-րդ գագաթնաժողովին, որը տեղի կունենա հոկտեմբերի 29-30-ը Թուրքիայի մայրաքաղաք Անկարայում: Պատճառը, ինչպես հաղորդում է ադրբեջանական «Caliber» պորտալը, Բաքվում ավելի վաղ ծրագրված միջոցառումներն ու նախագահի աշխատանքային լարված գրաֆիկն են:Հոկտեմբերի 21-ին Թուրքիայի նախագահ Ռեջեփ Թայիփ Էրդողանը հեռախոսազրույցի ընթացքում Ալիևին հրավիրել էր մասնակցել գագաթնաժողովին:Նոր էջ է բացվում. Ալիևը խոսել է Մեծ Բրիտանիայի հետ գործակցության մասինԼրատվամիջոցի տեղեկություններով՝ հոկտեմբերի 30-ին Բաքվում տեղի կունենան ֆուտբոլի մինչև 15 տարեկանների աշխարհի առաջնության և ՖԻՖԱ-ի փառատոնի եզրափակիչ հանդիպումն ու փակման պաշտոնական արարողությունը, որոնք Ադրբեջանի մայրաքաղաքում անցկացվում են առաջին անգամ: Ալիևի մասնակցությունը պարգևատրման արարողությանը նախապես պլանավորված էր։Նախագահի հանձնարարությամբ՝ Ադրբեջանը ԹՊԿ գագաթնաժողովին կներկայացնի արտաքին գործերի նախարար Ջեյհուն Բայրամովը: