ԵՐԵՎԱՆ, 29 հոկտեմբերի – Sputnik. Խորհրդարանը պետք է ժողովրդավարական քննարկումների հարթակ լինի, այլ ոչ «մարտադաշտ»։ Այսօր տարածած հայտարարության մեջ այս մասին նշել է ՀՀ մարդու իրավունքների պաշտպան Անահիտ Մանայանը` անդրադառնալով ԱԺ–ում տեղի ունեցած միջադեպին ու խստորեն դատապարտելով այն։Ինչպես հայտնի է, այսօր Ազգային ժողովում իր ելույթի ժամանակ ՔՊ–ական պատգամավոր Տարոն Չախոյանը վիրավորեց ընդդիմադիրներին, մասնավորապես՝ «Հայաստան» խմբակցության անդամ Մեսրոպ Մանուկյանին՝ նրան անվանելով «տուշոնկա գողացող Մանվելի օգնական», ապա նաև սադրեց «Ուժեղ Հայաստան» խմբակցության ղեկավար Նարեկ Կարապետյանին՝ անդրադառնալով նրա ընտանիքի անդամներին, ինչից հետո իրավիճակը դահլիճում լարվեց, վեճը վերածվեց ծեծկռտուքի։Նա նշել է, որ հանրային խոսքում և վարքագծում բռնության բացառումը պետական իշխանության ներկայացուցիչների պատասխանատվությունն է։ Մարդու իրավունքների պաշտպանը պահանջում է բացառել ոչ միայն բռնություն ենթադրող վարքագիծը, այլ նաև բռնությունն արդարացնող ցանկացած խոսք: «Միջադեպը պետք է օրենքով սահմանված կարգով դառնա պատշաճ քննության առարկա»,– ընդգծել է նա:Ըստ նրա` նման միջադեպերն էլ ավելի են խորացնում բռնությունն արդարացնող այն մոտեցումները, որոնք առկա են մեր հասարակությունում։Փաշինյանը ողջունում է ԱԺ–ում տեղի ունեցած ծեծկռտուքի ժամանակ ՔՊ–ի պահվածքը