Մոսկվան սպասում է Հայաստանի իշխանությունների արձագանքին՝ Շիրակի մարզպետ Դավիթ Առուշանյանի կողմից որոշակի իվանների վերաբերյալ արված բուրժուական և նեոնացիստական հայտարարությունների վերաբերյալ։ Այս մասին ճեպազրույցի ժամանակ հայտարարել է Ռուսաստանի ԱԳՆ մամուլի խոսնակ Մարիա Զախարովան՝ հիշեցնելով, որ շատ հայտնի հայեր ընտրել են ռուսական անուններ։ Նման բացահայտ բուրժուական, նեոնացիստական կարգախոսները տեղ չունեն ինքնահարգանք ունեցող որևէ հասարակությունում՝ հատկապես հայկական հասարակությունում, որն այդքան զգայուն է պատմական հարցերի և իր սեփական պատմության նկատմամբ։ Մենք սպասում ենք համապատասխան և միանշանակ արձագանքի Հայաստանի իշխանություններից, որոնք, ի դեպ, նստած են հենց այդ մարշալի (Իվան Բաղրամյան) անունը կրող պողոտայում , նշել է դիվանագետը։ Ավելի վաղ Առուշանյանն Ուժեղ Հայաստանի կողմից կազմակերպված Գյումրու օրվա տոնակատարություններն անվանել էր ևս մեկ քաղաքական ներկայացում և հայտարարել, որ Գյումրին ձեր Նիժնի Տաբրը չէ, իսկ գյումրեցին՝ ձեր Իվանը ։ Զախարովայի խոսքով՝ Առուշանյանը նվաստացրել է ժողովրդին ։