Իրանը շարունակում է դիվանագիտությանը հաջողության հասնելու հնարավորություն տալ, միաժամանակ երկրի զինված ուժերը լիովին պատրաստ են պաշտպանելու հայրենիքը։ Այս մասին հայտարարել է Իրանի արտաքին գործերի նախարար Աբբաս Արաղչին։ «Թեև մեր քաջարի զինված ուժերը լիովին պատրաստ են պաշտպանելու հայրենիքը, Իրանը շարունակում է դիվանագիտությանը հաջողության հասնելու հնարավորություն տալ։ Մենք շարունակում ենք սերտ և մշտական կապ պահպանել միջնորդների հետ՝ քննարկելու այն առաջարկները, որոնք թույլ կտան մեր յոթօրյա ծրագիրն իրականացնել մեկ շաբաթից էլ կարճ ժամկետում»,- գրել է նա X սոցիալական ցանցում։ Սեպտեմբերին Արաղչին հայտարարել էր, որ Թեհրանը Վաշինգտոնին առաջարկել է յոթօրյա ծրագիր, որը նախատեսում է ռազմական գործողությունների դադարեցում, Հորմուզի նեղուցի բացում և միջուկային ծրագրի շուրջ համապարփակ բանակցությունների մեկնարկ։ Արաղչիի խոսքով՝ առաջարկի պայմանները մոտ են Իրանի և ԱՄՆ-ի միջև հունիսին ձեռք բերված հուշագրի դրույթներին։ Այդ փաստաթուղթը կարճ ժամանակով հրադադարի հնարավորություն էր ստեղծել, սակայն հուլիսի սկզբին համաձայնությունը փլուզվել էր։