Արտաքին գործերի նախարար Արարատ Միրզոյանն ընդդիմությանն առաջարկում է աջակցել նոր Սահմանադրության նախագիծը խորհրդարանում հաստատելուն և այն հանրաքվեի դնելուն։ Եթե հանրաքվեում նախագիծը մերժվի, իշխանությունները հրաժարական կտան, խորհրդարանի ամբիոնից հայտարարել է նախարարը։ «Եկեք մենք բերենք Սահմանադրությունը, դուք այստեղից ասեք՝ «այս նախագիծը դատապարտում ենք, գնանք հանրաքվեի»։ Դա առիթ է, ժողովուրդը կասի՝ «ոչ», մենք հրաժարական կտանք, կգնանք», - ասել է Միրզոյանը։