ԵՐԵՎԱՆ, 28 հոկտեմբերի - Sputnik. Ռուսաստանի նախագահ Վլադիմիր Պուտինը սակագնային պատերազմները, պատժամիջոցները և տնտեսական թելադրանքն անվանել է նեոգաղութատիրության գործիքներ, ինչպես նաև հայտարարել է Արժույթի միջազգային հիմնադրամի և Համաշխարհային բանկի բարեփոխման անհրաժեշտության մասին:Ռուսաստանի առաջնորդի խոսքով՝ բազմաբևեռ աշխարհի ձևավորումը բարդ է ընթանում և դիմադրության է հանդիպում այն պետությունների կողմից, որոնք պատրաստ չեն ընդունել նոր իրականությունը:Այս առումով ՌԴ նախագահն ընդգծել է միջազգային ֆինանսական ինստիտուտների կառավարման և առանցքային որոշումների ընդունման գործում աֆրիկյան պետությունների դերի ուժեղացման անհրաժեշտությունը:«Մեր երկիրընաևհետևողականորեն հանդես է գալիս բազմակողմ զարգացման ինստիտուտների, առաջին հերթին Արժույթի միջազգային հիմնադրամի և Համաշխարհային բանկի շրջանակներում առանցքային որոշումների կառավարման և ընդունման գործում Աֆրիկայի դերի ուժեղացման օգտին: Եվ ընդհանրապես, հասունացել է այդ կազմակերպությունների բարեփոխման, հենց զարգացող տնտեսությունների կարիքների վրա դրանց կողմնորոշման հարցը», - ասել է նա։Պուտինն անդրադարձել է նաև Ռուսաստանի տեխնոլոգիական զարգացման հարցերին։ Նրա խոսքով՝ երկիրը վաղուց որդեգրել է տեխնոլոգիական ինքնիշխանության ամրապնդման ուղին և արդեն հասել է զգալի արդյունքների։«Ռուսաստանըվաղուց գնացել է իր տեխնոլոգիական ինքնիշխանության ամրապնդման ճանապարհով։ Սա մեր ռազմավարական ընտրությունն է։ Առանց չափազանցության, մենք որոշ ուղղություններով հասել ենք լավ, տպավորիչ արդյունքների», - նշել է նախագահը։Նա նաև հայտարարել է, որ մի շարք ուղղություններով Ռուսաստանը ստեղծում է համաշխարհային մակարդակի մշակումներ, որոնք այլ երկրներ ստիպված են փոխ առնել:«Ռուսաստան-Աֆրիկա» տնտեսական և հումանիտար համաժողովը և երրորդ գագաթնաժողովը տեղի են ունենումՄոսկվայում հոկտեմբերի 28-29-ը: ՌԻԱ Նովոստին հանդես է գալիս որպես միջոցառումների տեղեկատվական գործընկեր: