Երկու դանակով զինված դեռահասը, Ալլահու աքբար բացականչելով, հարձակվել է Բելգրադում Իսրայելի դեսպանատան դիմաց գտնվող օբյեկտը հսկող ժանդարմերիայի աշխատակցի վրա․ գրում են սերբական լրատվամիջոցները ։ Պահակը դիմադրություն է ցույց տվել և սպանել հարձակվողին։ Իշխանությունները հայտարարել են ահաբեկչական սպառնալիքի կարմիր մակարդակ։ Դա նշանակում է ոստիկանական հսկողության ուժեղացում ամբողջ երկրում։ Ներքին գործերի նախարար Իվիցա Դաչիչը հաստատել է ժանդարմերիայի աշխատակցի վրա հարձակման փաստը։ Այն տեղի է ունեցել հոկտեմբերի 28-ի գիշերը՝ կեսգիշերից 15 րոպե անց։ Աշխատակիցը թեթև վնասվածքներ է ստացել։ Դաչիչի խոսքով՝ անվտանգության ծառայությունները հետևել են հարձակվողին․ առկա տվյալներով՝ նա Իսլամական պետության կողմնակից էր։