Իսպանիայի կենտրոնական հատվածում երկու մարդատար գնացքների բախման հետևանքով զոհերի թիվը գերազանցել է չորս տասնյակը։ Այս մասին հայտնում է «ՌԻԱ Նովոստին»՝ հղում անելով ABC պարբերականին։ «Ուրդեում արագընթաց գնացքի և Iryo ընկերության գնացքի մասնակցությամբ երկաթուղային աղետի հետևանքով առնվազն 46 մարդ է զոհվել»,- հայտնել է պարբերականը՝ վկայակոչելով արտակարգ ծառայությունները։ Իսպանիայի տրանսպորտի նախարարությունից հայտնել են, որ արտակարգ դեպքը տեղի է ունեցել Մադրիդ-Անդալուսիա արագընթաց երկաթուղային գծում՝ առավոտյան ժամը 09։00-ին։ Նախնական վարկածի համաձայն՝ մայրաքաղաքից Սևիլիա ուղևորվող AVE արագընթաց գնացքը հետևից բախվել է մասնավոր Iryo օպերատորի գնացքին։ Վերջինիս երկու վերջին վագոնները դուրս են եկել ռելսերից և ընկել երկաթուղային հողաթմբից։ Արագընթաց երկաթուղային գծի երթևեկությունը դադարեցվել է։ The post Իսպանիայում գնացքների բախման հետևանքով առնվազն 46 մարդ է զոհվել appeared first on Alphanews .