Կատարի միջնորդները Իրանին են ներկայացրել տարածաշրջանում հակամարտության լիցքաթափմանն ուղղված համաձայնագրի նոր նախագիծը, հաղորդում է Reuters-ը՝ հղում անելով իր աղբյուրներին։ Նրանց խոսքով՝ փաստաթուղթը հանձնվել է կիրակի՝ հոկտեմբերի 25-ին, և Թեհրանը վերանայում է առաջարկը։ Համաձայնագրի նախագիծը սահմանում է յոթօրյա ծրագիր՝ այն քայլերի համար, որոնք կողմերը պետք է ձեռնարկեն «վստահություն ձևավորելու» համար։ Reuters-ը հայտնում է, որ Իրանը, ինչպես սպասվում է, կպատասխանի շաբաթվա վերջին։ Ծրագիրը նաև նախատեսում է մի քանի երկրների մասնակցությունը որպես երաշխավորներ։