ԱՄՆ-ում ձերբակալել են ինքնաթիռը առևանգելու և կործանելու սպառնալիքներ հնչեցրած ուղևորին: Լաս Վեգասից Նյուարկ թռչող ինքնաթիռի ուղեկցորդը նկատել է, որ 25-ամյա ուղևորը հեռախոսով հաղորդագրություններ է գրում՝ սպառնալով առևանգել և կործանել օդանավը։ Այս մասին հայտնում է New York Post-ը։ Աշխատակիցն անմիջապես տեղեկացրել է օդաչուներին։ Անձնակազմը կապ է հաստատել օդային երթևեկության կարգավարների հետ և որոշել վերադառնալ մեկնման օդանավակայան։ Վայրէջքից հետո կասկածյալը ձերբակալվել է։ Ավելի ուշ նա 10 հազար դոլար գրավ է վճարել և ազատ արձակվել մինչև դատական նիստը։ Միջադեպի պատճառով ուղևորները ստիպված են եղել գիշերել օդանավակայանում։ Առավոտյան ինքնաթիռը մեկնել է Նյարկ։ —00—ՍՊ The post ԱՄՆ-ում ձերբակալել են ինքնաթիռը առևանգելու և կործանելու սպառնալիքներ հնչեցրած ուղևորին appeared first on 24News .