Առ այսօր որևէ քայլ չի կատարվել, և արդեն տարբեր տնտեսավարողներ արձագանքում են, որ այդ մակաբույծը հայտնվել է Հայաստանում։ Մակաբույծի տարածման դեպքում մեղվաբուծության ողջ ոլորտը կաթվածահար է լինում, ինչն էլ շղթայական ռեակցիայով ազդում է գյուղատնտեսության ամբողջ համակարգի վրա։ Այս մասին Ազգային ժողովում հայտարարությունների ժամին ասել է «Ուժեղ Հայաստան» խմբակցության պատգամավոր Հարություն Մնացականյանը։ Խորհրդարանականն իր հարցն ուղղել է Սննդամթերքի անվտանգության տեսչական մարմնին (ՍԱՏՄ)՝ պահանջելով պարզաբանել, թե արդյոք Հայաստանի տարածք է ներթափանցել մեղուների համար խիստ վտանգավոր տրոպիլելապս մակաբույծ տիզը։ Հարություն Մնացականյանը հիշեցրել է, որ դեռևս 2025 թվականի ապրիլի 26-ին հանրային գրառմամբ ահազանգել էր տարածաշրջանում այս մակաբույծի տարածվածության մասին՝ ընդգծելով, որ պատկան կառույցների անգործության դեպքում մեղվաբուծության ոլորտը կանգնելու է ճգնաժամի առջև։ «Առաջարկում եմ ՍԱՏՄ-ին հստակ պարզաբանել՝ Հայաստանում տրոպիլելապս մակաբույծը ներխուժե՞լ է, թե՞ոչ։ Եթե այն արդեն ներթափանցել է, ապա ի՞նչ գործուն քայլեր են նախատեսվում ձեռնարկել՝ մեղվաբուծության ոլորտը կազմալուծումից փրկելու համար»,- եզրափակել է պատգամավորը։ The post Վտանգ՝ Հայաստանի մեղվաբուծության համար․ Հարություն Մնացականյան appeared first on Alphanews .