ԵՐԵՎԱՆ, 27 հոկտեմբերի – Sputnik. Աստանայում ընթացող ըմբշամարտի աշխարհի առաջնության եզրափակիչում հունահռոմեական ոճի ըմբիշ Կարեն Ասլանյանը (63 կգ) հաղթեց Ադրբեջանի ներկայացուցիչ Նիհատ Մամադլիին ու նվաճեց ըմբշամարտի աշխարհի չեմպիոնի տիտղոսը։Արմեն Մելիքյանն ու Կարեն Ասլանյանը օլիմպիական ուղեգիր վաստակեցին31-ամյա հայ մարզիկը հիանալի մրցաշար անցկացրեց՝ 4 հաղթանակ տանելով ժամանակից շուտ ավարտված գոտեմարտերում, իսկ եզրափակիչում 8։4 հաշվով առավելության հասավ ադրբեջանցի ըմբիշ, աշխարհի և Եվրոպայի չեմպիոն Նիհաթ Մամադլիի նկատմամբ։Ասլանյանի համար սա կարիերայի ընթացքում աշխարհի առաջնության առաջին ոսկե մեդալն է։Նշենք, որ 87 կգ քաշային Գևորգ Թադևոսյանն էլ բրոնզե մեդալ է նվաճել այս առաջնությունում։Նա պայքարի մեջ է մտել ուկրաինացի ըմբիշ Յարոսլավ Ֆիլչակովի հետ և հաղթել նրան 4։1 հաշվով։ Հավելենք, որ ըմբշամարտի աշխարհի առաջնությունն անցկացվում է հոկտեմբերի 24-ից նոյեմբերի 1-ը Ղազախստանի Աստանա քաղաքի «Բարիս Արենա» մարզադաշտում։ Հայաստանը ներկայացնում են 16 ըմբիշներ, որոնցից 10–ը հունահռոմեական ոճում, իսկ 6–ը` ազատ ոճում։Օրհներգի պահին մարմինս փշաքաղվում էր. զրույց Բաքվում հաղթած 17–ամյա Ջանես Նազարյանի հետ