Արհեստական բանականության գործիքներն օգնում են աշխատանքում, սակայն դրանց հուշումներին կույր հետևելը կարող է վտանգել ձեր կարիերան, գրում է Inc.com-ը։ Ամեն անգամ, երբ դուք բացում եք չաթբոտը՝ հանձնարարելու մի բան, որը պետք է անեիք ինքնուրույն, դուք կարիերային «ռուսական ռուլետկա» եք խաղում։ Պատճառն այն է, որ ԱԲ գիծը կարող է սովորություն դարձնել՝ ձեզ անհեթեթ խորհուրդներ հրամցնելու՝ դրանք խելամիտ առաջարկների քողի տակ ներկայացնելով։ Ամենաակնառու օրինակներն այսպես կոչված «արժե անել» տիպի հուշերն են, որոնք համակարգն անընդհատ նետում է զրույցի մեջ․ «Հաճախորդը կարծես թե հետաքրքրված է նոր ֆունկցիայով։ Արժե մի քանի օրից կապ հաստատել նրա հետ»։ Նման խորհուրդներն անմիջապես անտեսելու կարիք կա, որովհետև պարզապես անհնար է թույլ տալ, որ ինչ-որ չաթբոտ թելադրի ձեր քայլերը։ Սակայն խնդիրն այն է, որ մարդիկ իրականում սկսել են հետևել այս խորհուրդներին աշխատավայրում։ Եթե խնդիրը միայն զրույցի մեջ պատահական սահող «արժե անել» առաջարկները լիներ, լուծումը պարզ կլիներ՝ պարզապես անտեսել դրանք: Սակայն վերջին շրջանում նկատվում է միտում, որ խոշոր լեզվական մոդելները (LLM) գնալով ավելի հաճախ են ենթադրություններն ու ենթատեքստերը ներկայացնում որպես հաստատված փաստ։ Մենք բոլորս պահանջում էինք ավելի շատ կանխատեսողական գործառույթներ մեր ԱԲ գործիքներից, և մշակողները կատարեցին այդ պահանջը։ Սակայն արդյունքում անխոհեմ ենթադրությունները խորապես ներդրվեցին յուրաքանչյուր պատասխանի մեջ, հատկապես երբ զրույցի համատեքստը երկարում է կամ սկսում է սխալներ պարունակել։ Գաղտնիք չէ, որ արհեստական բանականության բոլոր ժամանակակից համակարգերը կարգավորված են այնպես, որ մեզ՝ մարդկանց, ստիպեն զգալ աջակցված, վստահ և նույնիսկ արդարացված։ Սա մարդուն մոտեցնում է չաթբոտին, բարձրացնում գոհունակությունը և մեծացնում կիրառման հաճախությունը։ Այս մոտեցումը հաճախ բերում է առանց հիմնավորման աջակցության, պոտենցիալ սխալների հաստատման և նույնիսկ արդարության կեղծ զգացողության, երբ հասարակական կամ աշխատանքային նորմերով դուք սխալ եք։ Չաթբոտին բացարձակապես անհանգստացնում այն փաստը, թե արդյոք ձեր զեկույցն ու փաստարկներն իրականում ճշգրիտ են, թե ոչ. նա պարզապես ցանկանում է, որ դուք ձեզ լավ զգաք։ Ագրեսիվ հուշերի, համատեքստի շեղման և շողոքորթության այս խառնուրդում չափազանց հեշտ է համոզել ինքներդ ձեզ, որ ձեր «թվային պաշտպանը» ճիշտ է, և որ բոլոր մյուսները սխալ են: Ճշմարտությունն այն է, որ ձեր չաթբոտը չգիտի իրականությունը, բայց դա այլևս չի խանգարում նրան խոսել։ Այդ իսկ պատճառով, նախքան աշխատանքային կամ կարիերային որևէ քայլ անելը, որը ձեզ խորհուրդ է տվել ԱԲ-ն, հստակեցրեք՝ «ինչո՞ւ ես սա առաջարկում» և ուշադիր ստուգեք դրա պատճառաբանությունը։