Ամերիկացի Հոփ Ուիլիըմզ ընկերային ցանցերու վրայ պատմած է մօրմէն ժառանգութիւն ստացած պատմական իրի մը մասին, զոր իր ընտանիքը Յունաստանէն պահպանած է։ Անոր խօսքով՝ իր նախապապը Ցեղասպանութեան տարիներուն սպաննուած է, իսկ ընտանիքը՝ չորս որբացած երեխաները, որոնցմէ ամէնէն մեծը 12 տարեկան էր, ստիպուած եղած է փախչիլ Թուրքիայէն Յունաստան։ Ուիլիըմզի ենթադրութեամբ՝ իր նախապապը հովիւ մը կրնար ըլլալ Փոքր Ասիոյ Մարզուան քաղաքին մէջ։ Ան դիմած է Տիթրոյթի հայկական թանգարանին եւ Հարուըրտի համալսարանի Ասիոյ եւ Միջերկրական տարածաշրջանի ուսումնասիրութիւններու բաժանմունքին՝ գտածոյին պատմական նշանակութիւնը պարզելու եւ զայն պահպանելու լաւագոյն միջոցը գտնելու նպատակով։ Թէեւ իր մայրը հայ չէր, ամբողջ կեանքին ընթացքին աղջկան յորդորած էր պահպանել հայկական ժառանգութեան որեւէ հետք՝ յիշեցնելով, թէ ինչպէս փորձած են պատմութենէն ջնջել հայ ժողովուրդին պատմութիւնն ու հայրենիքը։ «Ասիկա ինծի համար սրբազան պարտաւորութիւն մըն է», նշած է Ուիլիըմզ՝ հանրութեան խորհուրդը խնդրելով, թէ ինչպէ՛ս կարելի է խնամքով պահպանել այս փխրուն պատմական մասունքը եւ արդեօ՞ք զայն պէտք է յանձնել հայկական եկեղեցիի մը։ The post Հայոց պատմութեան մասունք մը՝ փրկուած գաղթի ճամբուն վրայ first appeared on Western Armenia TV .