armenpress.am Հայաստանի Ազգային ժողովի նախագահ Ռուբեն Ռուբինյանն ընդդիմադիր քաղաքական ուժերին կոչ է արել մասնակցել տեղական ինքնակառավարման մարմինների ընտրություններին։ Լրագրողների հետ ճեպազրույցում Ռուբինյանն անդրադարձել է ՏԻՄ ընտրություններին ընդդիմադիր ուժերի սահմանափակ մասնակցության և հնարավոր ճնշումների վերաբերյալ հարցերին։ Նա քննադատել է ընդդիմադիր ուժերին՝ նշելով, որ իշխանությանը հաղթելու մասին հայտարարություններից հետո նրանք մի շարք համայնքներում չեն մասնակցել ընտրություններին։ «Իրենք խոստացել էին ՏԻՄ ընտրություններում կտրել մեր թևերը, բայց արդյունքում իրենք ոչ միայն չկտրեցին մեր թևերը, այլ իրենք չեն մասնակցում։ Ես ի՞նչ մեղք ունեմ։ Դեռ կան ՏԻՄ ընտրություններ, հաջորդ փուլը կա։ Կոչ եմ անում՝ մասնակցեք»,- ասել է Ռուբինյանը։ Արձագանքելով ընդդիմադիր գործիչների նկատմամբ քրեական հետապնդումների մասին հարցադրումներին՝ ԱԺ նախագահը նշել է, որ քաղաքական պատկանելությունը չպետք է խոչընդոտի ենթադրյալ կոռուպցիոն կամ ընտրական հանցագործությունների քննությանը։ Նրա խոսքով՝ կալանքի կիրառման հարցը պետք է գնահատի դատարանը։ «Կալանքը պետք է լինի խափանման միջոց այն դեպքում, եթե դատարանը գտնում է, որ ենթադրյալ կալանավորվելիք անձը կարող է ազդել քննության վրա կամ կարող է փախչել»,- նշել է նա։ Շարունակությունը՝ սկզբնաղբյուր կայքում The post ԱԺ նախագահն ընդդիմադիր ուժերին կոչ է արել մասնակցել ՏԻՄ ընտրություններին | armenpress.am appeared first on Infocom .