ԱՄՆ Կոնգրեսում ԱՄՆ-Թուրքիա հարաբերությունների և թուրք-ամերիկյան կոնգրեսական խմբի համանախագահները շնորհավորական ուղերձ են հղել Թուրքիային։ ԱՄՆ Ներկայացուցիչների պալատի անդամներ Ջո Ուիլսոնը, Սթիվ Քոհենը և Աումուա Ամատա Քոլման Ռադևագենը հանդես են եկել գրավոր հայտարարությամբ, որտեղ նշվում է․ «Մենք շնորհավորում ենք Թուրքիայի ժողովրդին և ԱՄՆ-ի թուրքերին՝ Թուրքիայի Հանրապետության հիմնադրման 103-րդ տարեդարձի կապակցությամբ»։ Ըստ կոնգրեսականների՝ Թուրքիան շարունակում է կարևոր կամուրջ ծառայել Եվրոպայի և Մերձավոր Արևելքի միջև և անփոխարինելի դեր խաղալ տարածաշրջանային հավասարակշռության պահպանման, Եվրասիայի ու Միջերկրական ծովի տարածաշրջանում բարդ աշխարհաքաղաքական գործընթացների կարգավորման գործում։ Մասնավորապես ընդգծվել է, որ սկսած տարածաշրջանում հակամարտությունների լարվածության նվազեցումից մինչև ծովային անվտանգության ապահովում և հումանիտար օգնության տրամադրում, Թուրքիան շարունակում է մնալ առանցքային գործընկեր համաշխարհային խաղաղության կառուցման գործում։ Բացի այդ ուղերձում անդրադարձ է արվել ՆԱՏՕ-ում Թուրքիայի կարևորությանը և ընդգծվել, որ այն ՆԱՏՕ-ի երկրորդ ամենամեծ ռազմական ուժն է հանդիսանում։ Ըստ այդմ՝ Թուրքիան շարունակում է առանցքային դեր խաղալ հավաքական պաշտպանության և ռազմական տեխնոլոգիաների ոլորտում համագործակցության գործում։ «Միացյալ Նահանգների և Թուրքիայի միջև դիվանագիտական ​​հարաբերությունների հաստատման 100-ամյակի նախօրեին (որը կնշվի 2027-ին)՝ մենք շնորհավորում ենք թուրք ժողովրդին և թուրքական ծագումով ամերիկացիներին 2026-ի Հանրապետության օրվա կապակցությամբ և ակնկալում խորացնել ռազմավարական, տնտեսական ու մշակութային կապերը մեր երկու ազգերի միջև»,- նշված է ուղերձում։ Աղբյուր՝ Star The post ԱՄՆ Կոնգրես․ Թուրքիան առանցքային գործընկեր է appeared first on Ermeni haber ajansı .