ԵՐԵՎԱՆ, 26 հոկտեմբերի – Sputnik. ԱՄՆ–ի սպառնալիքներն այլևս չեն ազդում երկրների վրա։ Այդ մասին այսօր հայտարարել է Իրանի ազգային անվտանգության բարձրագույն խորհրդի քարտուղար գեներալ–մայոր Մոհսեն Ռեզային՝ Թեհրանում այսօր կայացած քառակողմ բանակցությունների մասին։Ավելի վաղ հայտնել էինք, որ Թեհրանում տեղի է ունեցել Իրանի, Պակիստանի, Թուրքիայի և Սաուդյան Արաբիայի ներկայացուցիչների քառակողմ հանդիպումը:Նրա խոսքով՝ նշված երեք երկրների ներկայացուցիչները կարծում են, որ տարածաշրջանային խնդիրների լուծումը Իրանի հետ իրենց փոխգործակցությունն է: Ռեզային այն համոզմանն է, որ Իրանի ժողովրդի դիմադրությունն ու երկրի զինված ուժերի հզորությունը նպաստել են տարածաշրջանում նոր դրական մթնոլորտի ձևավորմանը և երեք պետությունների ներկայացուցիչների հետ երկխոսությանը: Իրանի ազգային անվտանգության բարձրագույն խորհրդի քարտուղարը նշել է նաև, որ Իրանի դիմադրության արդյունքները գնալով ավելի շոշափելի են դառնում: Հիշեցնենք, որ 2026 թ. օգոստոսի 7-ին Սաուդյան Արաբիան, Թուրքիան և Պակիստանը ռազմական դաշինք ստեղծելու մասին պայմանագիր են ստորագրել։ Այս համաձայնագիրը ենթադրում է, որ երեք կողմերից որևէ մեկի վրա զինված հարձակումը կհամարվի հարձակում բոլորի վրա։ Պաշտպանության մասին համատեղ համաձայնագիրը համագործակցություն է նախատեսում հետախուզական տվյալների փոխանակման և տարածաշրջանային անվտանգության համակարգման ոլորտում։