« Գեղարդ » վերլուծականը գրում է . «2026 թւականի ամռանը Փարիզում «System of a Down» ռակ խմբի համերգի ընթացքում «Աման Թելլօ» երգի կատարումը քննարկումների եւ դժգոհութեան նոր ալիք բարձրացրեց ադրբեջանական մեդիայում։ Ադրբեջանական մի շարք լրատւամիջոցներ երգը ներկայացրին որպէս «ադրբեջանական ժողովրդական ստեղծագործութիւն»՝ հայկական կողմին մեղադրելով այն իւրացնելու մէջ։ Սակայն երգի պատմական ակունքների ուսումնասիրութիւնը վկայում է, որ այն վաղուց յայտնի էր հայկական ժողովրդական երաժշտական միջավայրում։ Հայ մեծանուն կոմպոզիտոր եւ ազգագրագէտ Կոմիտասը դեռեւս 1905 թւականին Հառիճում գրի է առել «Աման Թելլօ» երգի մի քանի տարբերակներ։ Այս փաստագրական վկայութիւնը կարեւոր նշանակութիւն ունի ստեղծագործութեան պատմութիւնն ուսումնասիրելու տեսանկիւնից, քանի որ հաստատում է դրա գոյութիւնը հայկական երաժշտական միջավայրում դեռեւս XX դարի սկզբին՝ շատ աւելի վաղ, քան 1918 թւականին Ադրբեջանի Ժողովրդական Հանրապետութեան հիմնադրումը։ Ադրբեջանական նման գործելակերպը միտւած է պատմական անցեալի վերաձեւակերպմանը, սեփական մշակութային ժառանգութեան արհեստականօրէն հնացմանն ու այլ ժողովուրդների մշակութային արժէքներն ադրբեջանական մշակոյթի մաս ներկայացնելուն»։ Այս մասին յայտնում է Yerkir.am-ը: