Կոնգոյի Դեմոկրատական Հանրապետությունում (ԿԴՀ) էբոլա վիրուսով վարակման հաստատված դեպքերի թիվը հասել է 9964-ի, հիվանդությունից մահացել է 4841 մարդ։ Ինչպես «Արմենպրես»-ը տեղեկանում է «ՌԻԱ Նովոստի» գործակալությունից, այդ մասին հոկտեմբերի 26-ին հաղորդել է Կոնգոյի Դեմոկրատական Հանրապետության հանրային առողջապահության ազգային ինստիտուտը (INSP)։ «Վերջին 24 ժամվա ընթացքում գրանցվել է վարակման 88 նոր դեպք, մահվան՝ 38 դեպք, 24 մարդ ապաքինվել է։ Այսպիսով, բռնկման սկզբից ի վեր հիվանդացածների ընդհանուր թիվը հասել է 9964-ի, մահացել է 4841 մարդ», — ասվում է INSP-ի ամենօրյա հաշվետվության մեջ։ Ավելի վաղ The New York Times թերթը գրել էր, որ աֆրիկյան երկրներում էբոլա տենդի բռնկումն այս ընթացքում արդեն հասել է մեծ ծավալների և կարող է ընդգրկել ամբողջ մայրցամաքը, եթե չհաջողվի գտնել հիվանդության տարածումը կասեցնելու միջոց։ Կոնգոյի Դեմոկրատական Հանրապետությունում Էբոլա տենդի բռնկումն սկսվել է 2026 թվականի ապրիլին։ Այսօրվա դրությամբ էբոլայի նոր՝ Բունդիբուգիո շտամի դեմ պաշտոնապես լիցենզավորված պատվաստանյութ չկա։ —00—ՄԱ The post Կոնգոյի Դեմոկրատական Հանրապետությունում աճել է էբոլա վիրուսով վարակման դեպքերի թիվը appeared first on 24News .