Թուրքիայի նախագահի խորհրդական Օկտայ Սարալն աշխատանքից ազատվել է Ադրբեջանում դպրոցականների համար նոր հագուստի կանոնների քննադատության համար, հաղորդում է Cumhuriyet թերթը։ Սարալը սոցիալական ցանցերում արտահայտվել է Բաքվի որոշման դեմ՝ անընդունելի համարելով կրոնական հագուստով դպրոցական աղջիկներին կրթություն ստանալուց զրկելը: Նա հաստատել է իր հրաժարականը՝ հավելելով, որ որոշումը կայացվել է նախագահ Ռեջեփ Թայիփ Էրդողանի հրամանով: «Ես ոչ մեկի նկատմամբ որևէ թշնամանք չեմ պահում», – մեջբերում է թերթը Սարալի խոսքերը։ Երբ լրագրող Թալաթ Աթիլլան հարցրել է, թե արդյոք իր հրաժարականը կապված է Ադրբեջանի հասցեին իր քննադատության հետ, Սարալը պատասխանել է. «Այո, կարծես թե այդպես է»։