Ստեփանավանի Վարդաբլուր գյուղում առավոտից ընտրատեղամասի դիմաց կայանված է վարչական ղեկավար Հակոբ Վարդանյանի ավտոմեքենան։ Տեղացիների պնդմամբ՝ նա ուղղորդել է ընտրողներին, սակայն «Ազատության» նկարահանող խմբին տեսնելուն պես հեռացել է տարածքից՝ մեքենան թողնելով տեղում։ ՔՊ-ին սատարող բնակիչ Նվեր Օհանյանը պնդել է, թե մեքենան իրենն է, մինչդեռ մյուս բնակիչները հակառակն են վստահեցրել։ «Ազատությանը» չի հաջողվել հանդիպել վարչական ղեկավարին, որը, ըստ դիտորդների ու վստահված անձանց, առավոտից եղել է ընտրատեղամասի մոտ։ Ավելի ուշ այնտեղ է եկել նրա հայրը՝ Գեղամ Վարդանյանը՝ ՔՊ վստահված անձի վկայականով։