Թուրքիայի վիճակագրական ինստիտուտի (TÜİK) տվյալները փաստում են, որ ուղեղների արտահոսքը գնալով աճում է։ Բարձրագույն կրթություն ունեցողները նախընտրում են արտագաղթել այլ երկիր։ Ուղեղների արտահոսիք ցուցանիշը հասել է 2.2%-ի։ Արտերկիր են գնում հատկապես տեղեկատվական տեխնոլոգիաների և ճարտարագիտության (ինժեներական) ոլորտների շրջանավարտները։ Թուրքիայից արտագաղթողների զգալի մասը ( 22%) նախընտրում է ապրել և աշխատել Գերմանիայում։ Գերմանիա արտագաղթածների շրջանում ամենամեծ խումբը կազմել են համակարգչային ճարտարագիտության (ծրագրային ապահովման) շրջանավարտները։ Գերմանիային հաջորդում են ԱՄՆ-ն (16.9%), Միացյալ Թագավորությունը (10.5%) և Նիդերլանդները (8.3%)։ Ըստ մասնագիտությունների՝ ուղեղների արտահոսքի ամենաբարձր ցուցանիշը գրանցվել է մոլեկուլային կենսաբանության և գենետիկայի ոլորտում՝ 13.1%: Երկրորդ տեղում ինժեներական մենեջմենթն է՝ 13%-ով։ Պետական համալսարանների շրջանավարտների շրջանում արտագաղթի ցուցանիշը կազմել է 1.9%, մինչդեռ մասնավոր (հիմնադրամային) համալսարաններում այն հասել է 4.4%-ի։ Ստամբուլը դարձել է ուղեղների արտահոսքի ամենաբարձր ցուցանիշ ունեցող քաղաքը՝ 4%: Իսկ ամենացածր ցուցանիշը գրանցվել է Շիիրթում՝ 0.2%: Աղբյուր՝ dw.com/tr The post Ուղեղների արտահոսք Թուրքիայից. 1-ին տեղում Գերմանիան է appeared first on Ermeni haber ajansı .