Հայաստանի ֆուտզալի ազգային հավաքականը հոկտեմբերի 11-20-ն ուսումնամարզական հավաք կանցկացնի Ֆուտբոլի ակադեմիայում։ Մեր ընտրանին նախապատրաստվում է Աշխարհի առաջնության որակավորման հիմնական փուլին։ Առաջին հանդիպումը տեղի է ունենալու հոկտեմբերի 20-ին։ Մեր հավաքականի մրցակիցը Հունգարիայի ընտրանին է։ Հավաքականի գլխավոր մարզիչ Անտոնիո Ֆերնանդեսը ուսումնամարզական հավաքին հրավիրել է 18 խաղացողների՝ Ալբերտ Աղաջանովին, Ֆակունդո Օհաննեսյանին, Կարեն Պետրոսյանին, Մարտին Ռամիրոյին, Միհրան Դերմենջյանին, Սարգիս Մարգարյանին, Դենիս Նևեդրովին, Արթուր Մելքոնյանին, Աղասի Եղիազարյանին, Ռաֆիկ Մելիքյանին, Միքայել Ղանդիլյանին, Գարեգին Մաշումյանին, Նիկիտա Խռոմիխին, Պուտրուս Վասիլևին, Ռոբերտ Մամիկոնյանին, Արսեն Պետրոսովին, Ալբերտ Գրիգորյանին եւ Արթուր Ստեփանյանին: