Համաշխարհային բանկն իր «Commodity Markets Outlook» հոկտեմբերյան զեկույցում կանխատեսել է պարենային հումքային ապրանքների համաշխարհային գների զգալի աճ՝ 2026 թվականին 10,3%-ով, իսկ 2027 թվականին՝ ևս 7,2%-ով։ Այս մասին հաղորդում է «Ագրոէքսպորտը»։ Ինչու է դա կարևոր. Զեկույցի գնահատականները պայմանավորված են Մերձավոր Արևելքում և Արևելյան Եվրոպայում աշխարհաքաղաքական անկայունությամբ, ինչպես նաև միջազգային առևտրի կառուցվածքային խնդիրներով։ Հատկապես կտրուկ թանկացումներ են սպասվում հացահատիկային (մասնավորապես՝ ցորենի) և յուղատու մշակաբույսերի շուկաներում, ինչը կարող է լրացուցիչ գնաճային ճնշում ստեղծել ներմուծող երկրների համար։ Գնային կանխատեսումների առանցքային մանրամասները (2026-2027թթ.). Հացահատիկային մշակաբույսեր. 2026թ. աճ 14.1%-ով։ 2027թ. աճ ևս 9.3%-ով (առանձնակի շեշտվում է ցորենի կտրուկ թանկացումը)։ Յուղատու մշակաբույսեր և վերամշակված արտադրանք. Սոյայի յուղ. 2026թ. աճ 39%-ով, 2027թ.՝ 11.4%-ով։ Սոյայի շրոտ. 2026թ. աճ 17.5%-ով, 2027թ.՝ 9.5%-ով։ Հիմնական պատճառները. Աշխարհաքաղաքական հակամարտություններն ու լոգիստիկ-առևտրային կառուցվածքային խաթարումները։