factor.am Հայաստանի մարդու իրավունքների պաշտպանը պարզաբանել է, թե ինչու նպատակահարմար չի համարում Ադրբեջանի քրեակատարողական հիմնարկներ այցելելու հարցը՝ ընդգծելով, որ նման այցը կարող է չապահովել հայ գերիների իրավունքների պաշտպանության իրական մեխանիզմներ։ ՄԻՊ-ի խոսքով՝ Հայաստանի մարդու իրավունքների պաշտպանի իրավասություններն ու գործառույթները տարածվում են Հայաստանի Հանրապետության պետական մարմինների վրա։ Այլ պետության տարածքում, այդ թվում՝ Ադրբեջանի քրեակատարողական հիմնարկներում, նա չունի համապատասխան լիազորություններ՝ խնդիրներ պահանջելու, արձանագրելու և դրանց լուծումը վերահսկելու համար։ Պաշտպանի գնահատմամբ՝ առանց իրական լիազորությունների և վերահսկողության մեխանիզմների՝ նման այցի ընթացքում հնարավոր է միայն ներկայացվի նախապես ընտրված՝ «ամենալավ իրավիճակը», ինչը թույլ չի տա բացահայտել առկա խնդիրներն ու իրական պայմանները։ Անդրադառնալով հայ գերիների իրավունքների պաշտպանությանը՝ ՄԻՊ-ն ընդգծել է, որ հարցը մշտապես բարձրաձայնվում է միջազգային տարբեր հարթակներում։ Նրա խոսքով՝ խնդրին անդրադարձել են նաև միջազգային դերակատարներ, այդ թվում՝ ՄԱԿ-ի մարդու իրավունքների գերագույն հանձնակատարը։ ՄԻՊ-ը նաև նշել է, որ հարցը պահանջում է զգայուն և հաշվարկված մոտեցում՝ հաշվի առնելով անվտանգային երաշխիքներն ու միջազգային պատվիրակությունների հնարավոր այցերի հետ կապված դժվարությունները։ Շարունակությունը՝ սկզբն աղբյուր կայքում The post Մեկնեմ և ինձ ցույց տան «ամենալավ իրավիճակը», ի՞նչ անեմ դրանից հետո. ՄԻՊ-ը` գերիներին այցելելու մասին | factor.am appeared first on Infocom .