Մշակույթը, արհեստներն ու ստեղծագործական միտքը Գյումրու ինքնության անբաժանելի մասն են։ Բայց որքանո՞վ է այսօր այդ ներուժը վերածվում իրական հնարավորությունների՝ տեղի վարպետների, երիտասարդների, փոքր արտադրողների ու զբոսաշրջության ոլորտի համար։ Գյումրիում նախատեսվում է ստեղծել նոր մշակութային և ստեղծարար կենտրոն՝ GCIC-ը, որը միավորելու է արհեստագործությունը, կրթությունը, տեղական արտադրությունն ու զբոսաշրջությունը։ Նախագիծն ունի նաև ֆինանսավորման հետաքրքիր մոդել, որի միջոցով մարդիկ կարող են մասնակցել կենտրոնի ստեղծմանը, իսկ հետագայում իրենց ներդրումն օգտագործել կենտրոնի առաջարկած ծառայություններից ու փորձառություններից օգտվելու համար։ Ի՞նչ է փոխելու այդ նախաձեռնությունը Գյումրիում, ո՞ւմ համար է այն ստեղծվում, և ինչպե՞ս կարող է յուրաքանչյուրիս մասնակցությունը նպաստել քաղաքի զարգացմանը։ Տաղավարում է «Տեղ» նախագծի հիմնադիր Միշա Պողոսյանը։