Ժողովուրդն այսօր պետք է գիտակցի, որ կանգնած է վտանգների առաջ, որ ամենակարևորն այսօր փռված ասֆալտը չէ, այլ իր արժանապատվությունը, իր երկրի կորստի առաջ է կանգնած ժողովուրդը ․ այսօր լրագրողների հետ զրույցում ասաց երգչուհի, ՀՀ վաստակավոր արտիստ Աննա Մայիլյանը։ Ես, օրինակ, հանգիստ չեմ քնում, կարելի է ասել՝ վաղուց չեմ քնում, բայց առավել ևս այսօր ․․․ Մեր երկիրն ամեն վայրկյան կորցնում է տարածք, իսկ հիմա էլ Սահմանադրության մասին է խոսք գնում ․․․ Փոփոխությունները մեր օգտին չեն արվում, այդ փոփոխությունների դեմը պետք է առնվի անպայման ,- ասաց նա։ Հարցին՝ մտավորականները պատրա՞ստ են ճնշում գործադրել Նիկոլ Փաշինյանի վրա, որպեսզի Սահմանադրության նոր նախագիծը չընդունվի, ասաց ․ Մենք ազգովի, արվեստագետներն էլ, բնականաբար, մեր ազգի ներկայացուցիչներն են, պետք է նախ արագ, այս վայրկյանից գիտակցենք խնդիրը, մյուս վայրկյանին այդ խնդրի լուծումը տանք ․․․ Դրանք արտաքին թելադրանքներ են, որը մենք պետք է գիտակցենք, դարեդար է նույն բանը կատարվում, այսօրվա հարց չէ, և եթե մենք Հայքի զավակներն ենք և ապրում ենք այս երկրում, պետք է ուղղակի հասկանանք, որ մե՛նք պետք է պաշտպանենք մեր երկիրը ։ ՀՀ վաստակավոր արտիստի խոսքով՝ լինելով անվերջանալի վտանգների տակ ապրող ժողովուրդ, որն ունի հինավուրց քաղաքակրթության արմատներ, իրավունք չունենք այսօր մտածել մյուս ազգերի և երկրների պես ․ Մենք պետք է մտածենք հայավարի , մենք պետք է պաշտպանենք մեր երկիրը ։ Նշենք, որ այսօր Ուժեղ Հայաստան խմբակցության ղեկավար Նարեկ Կարապետյանը հանդիպել է մտավորականների հետ՝ քննարկելու երկրի առջև ծառացած խնդիրները։