ՀՀ վարչապետ Նիկոլ Փաշինյանն այսօր լրագրողների հետ ճեպազրույցում հայտարարեց՝ Հայաստանն այժմ չի պատրաստվում դուրս գալ Եվրասիական տնտեսական միությունից։ Նման հայտարարություն վերջինս արեց՝ անդրադառնալով երկու օր առաջ Բրյուսելում արած իր այն հայտարարությանը, որ իրատեսական է համարում 2027 կամ 2028 թվականին ԵՄ-ին անդամակցելու համար հայտ ներկայացնելը։ «Մենք ԵԱՏՄ-ից դուրս գալու նախապատրաստություն չենք սկսել, մենք պատրաստվում ենք մեր ժողովրդին այլընտրանքային տարբերակներ առաջարկել, ինչպես խոստացել էինք։ Մեր ժողովուրդը պետք է ընտրություն կատարելու հնարավորություն ունենա։ Մենք չենք պատրաստվում դուրս գալ ԵԱՏՄ-ից, բայց գիտեք, որ այդ կառույցում մեր գործընկերները բարձրացնում են կողմնորոշվելու և հանրաքվե անցկացնելու հարցը։ Ես ասել եմ, որ հանրաքվե անցկացնելու հիմքեր չկան այս պահին։ ԵԱՏՄ-ից դուրս գալու և ԵՄ-ին անդամակցելու համար հանրաքվե անցկացնելուց առաջ պետք է որոշակի ընթացակարգերով անցնենք։ Մենք գնում ենք այդ ճանապարհով։ Ինձ համար ակնհայտ է, որ գործընթացը տանում է դեպի նրան, որ 2027 կամ 2028 թվականին պաշտոնապես կդիմենք՝ Եվրոպական միության լիարժեք անդամ դառնալու գործընթաց սկսելու հարցով»,- նշեց Նիկոլ Փաշինյանը։ The post 2027-ին կամ 2028-ին պաշտոնապես կդիմենք՝ ԵՄ լիարժեք անդամ դառնալու գործընթաց սկսելու հարցով. Փաշինյան appeared first on Ազգ .