Թուրքիայի նախագահ Ռեջեփ Թայիփ Էրդողանը հայտարարել է, որ նախատեսում է նոյեմբերի 8-ին այցելել Ադրբեջան՝ Հաղթանակի օրվա կապակցությամբ։ Ինչպես հայտնում է NTV-ն, այս մասին Էրդողանն ասել է լրագրողների հետ զրույցում։ «Եթե արտակարգ հանգամանքներ չառաջանան, նախատեսում եմ նոյեմբերի 8-ին մեկնել Ադրբեջան։ Հույս ունեմ, որ այդ այցի շրջանակում հնարավորություն կունենանք ձեռնարկելու անհրաժեշտ քայլերը»,- նշել է Թուրքիայի նախագահը։ Նա ընդգծել է, որ Թուրքիայի և Ադրբեջանի հարաբերությունները դուրս են գալիս ավանդական դիվանագիտական շփումների շրջանակից։ «Երկու երկրների միջև անքակտելի կապը մեր ընդհանուր պատմության, մշակույթի և ապագայի արդյունքն է։ Չկա այնպիսի խոչընդոտ, որը թուրք-ադրբեջանական եղբայրությունը չկարողանա հաղթահարել»,- հայտարարել է Էրդողանը։ —00—ԼԱ The post Էրդողանը նոյեմբերի 8-ին նախատեսում է այցելել Ադրբեջան՝ մասնակցելու «Հաղթանակի օրվա» միջոցառումներին appeared first on 24News .