Ռուսաստանի նախագահ Վլադիմիր Պուտինը նոյեմբերի 2-ին ստորագրել է թիվ 344-ФЗ դաշնային օրենքը, որով վավերացվում է ԱՊՀ երկրների համաձայնագիրը։ 2025 թվականի մայիսին ստորագրված փաստաթուղթը սահմանում է պարտապանների բանկային հաշիվների, ակտիվների, գույքի և աշխատանքի վայրի մասին տվյալների փոխանցման կարգը։ Համաձայնագրին միացել է ութ երկիր, այդ թվում՝ Հայաստանը։ Ղազախստանը, Բելառուսը և Ուզբեկստանը հավանություն են տվել դրան՝ որոշակի վերապահումներով, որոնք սահմանափակում են բանկային գաղտնիքի և արտադատական ակտերի վերաբերյալ տեղեկատվության ծավալը։ Փաստաթղթի հիմնական նպատակն է հեշտացնել պարտատերերի կողմից այն պարտապանների ակտիվների և եկամուտների որոնումը, որոնք իրենց գույքը տեղափոխել են ԱՊՀ տարածքից դուրս, ինչպես նաև կանխել նույն գործով տարբեր երկրներում պարտքի կրկնակի գանձումը։ Օրենքն ուժի մեջ կմտնի նոյեմբերի 13-ին։ The post Պուտինը հաստատել է ԱՊՀ երկրների՝ պարտապանների մասին տեղեկատվության փոխանակման համագործակցության համաձայնագիրը appeared first on Alphanews .