ԵՐԵՎԱՆ, 4 նոյեմբերի – Sputnik. Նոյեմբերի 1–ի դրությամբ ԼՂ–ից տեղահանված անձանցից ՀՀ քաղաքացիություն ստանալու համար դիմում է ներկայացրել 53 039 անձ, իսկ ՀՀ նախագահի հրամանագրով քաղաքացիություն է շնորհվել 32 690 անձի, իսկ 14 344 անչափահաս քաղաքացիություն է ստացել անձնագրավորման եղանակով։ Այդ մասին այսօր ԱԺ–ում պաշտպանության և անվտանգության հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստի ժամանակ ՀՀ 2027 թ. պետական բյուջեի նախագծի քննարկմանը տեղեկացրեց ներքին գործերի նախարար Արփինե Սարգսյանը։Նա հիշեցրեց, որ քաղաքացիության դիմումների ամբողջ գործընթացն արդեն իսկ թվայնացված հարթակում է իրականացվում։ Բացի այդ, նոյեբերից 1–ից ներդրվել է օտարերկրացիների կացության կարգավիճակի իրականացման թվայնացված գործընթացը։Ի դեպ, 2027 թ. հունվարի 1–ից կգործարկվի բնակչության պետական նոր ռեգիստրը։ Հիշեցնենք` 2023 թվականի սեպտեմբերի 19–ին Ադրբեջանը լայնամասշտաբ հարձակում սկսեց Արցախի դեմ։ Ադրբեջանական ագրեսիայի հետևանքով Արցախը մեկ օրումավելի քան 240 զոհ տվեց։ Հաջորդած օրերին Արցախի հայ բնակչությունը բռնի տեղահանվեց Հայաստան։ՀՀ ներքին գործերի նախարարության միգրացիայի և քաղաքացիության ծառայությանտվյալներով՝ 2023 թվականի սեպտեմբերից հետոԱրցախից 115 365 մարդ է բռնի տեղահանվել Հայաստան։