ԵՐԵՎԱՆ, 3 նոյեմբերի - Sputnik. Երեք նավթատար լցանավեր Հորմուզի նեղուցում պայթել են ծովային ականների վրա: Այս մասին հայտնել է Իրանի Իսլամական հեղափոխության պահապանների կորպուսը (ԻՀՊԿ):Իրանցի զինվորականների պնդմամբ՝ նավերի անձնակազմերն անջատել էին ռադիոտեղորոշիչ և նավիգացիոն սարքավորումները և փորձել էին անցնել նեղուցով՝ Թեհրանի հետ չհամաձայնեցված երթուղով:ԻՀՊԿ-ում հայտարարել են, որ վնասված տանկերները շարունակում են այրվել և դրեյֆում են Հորմուզի նեղուցի հարավային ափերի մոտ: Տուժածների և վնասների ծավալների մասին տեղեկություններ առայժմ չեն հաղորդվում:Փետրվարի 28-ին ԱՄՆ-ն և Իսրայելը սկսեցին հարվածներ հասցնել Իրանի տարածքին, ինչին Թեհրանը պատասխանեց գրոհներով: Չնայած որոշակի դադարին՝ հակամարտությունը մնում է չկարգավորված, իսկ ռազմական գործողությունների վերսկսման ռիսկը պահպանվում է:Իրանի և ԱՄՆ-ի դիմակայության ֆոնին Հորմուզի նեղուցով նավագնացությունը գործնականում դադարել է: Այս ռազմավարական կարևոր երթուղով են անցնում նավթի, նավթամթերքի և հեղուկացված բնական գազի համաշխարհային մատակարարումների զգալի ծավալները: Փոխադրումների խաթարումը հանգեցրել է վառելիքի գների աճի բազմաթիվ երկրներում: