ՀՀ տարածքային կառավարման և ենթակառուցվածքների նախարարի տեղակալ Առնակ Ավետիսյանն այսօր ընդունել է Վերակառուցման և զարգացման եվրոպական բանկի Կովկասի ենթակառուցվածքների տարածաշրջանային ղեկավար Թեա Մելիքաձեին, հայաստանյան գրասենյակի ղեկավար Ռեմոն Զաքարիային, կենտրոնական գրասենյակի գնումների պատասխանատու Նուրիլյա Մոլդախմատովային և բանկի երևանյան գրասենյակի գլխավոր բանկիր, ծրագրերի ղեկավար Ռուդիկ Թադևոսյանին։ Այդ մասին հայտնում են ՏԿԵՆ-ից։ Նախարարի տեղակալը ողջունել է հյուրերին՝ կարևորելով ՎԶԵԲ-ի զգալի աջակցությունը հանրապետությունում ենթակառուցվածքների զարգացման ուղղությամբ։ Միաժամանակ, անդրադարձ կատարելով կոշտ կենցաղային թափոնների կառավարման ոլորտին, Առնակ Ավետիսյանը նշել է, որ թափոնների կառավարման ոլորտը ՀՀ կառավարության առաջնահերթ ոլորտներից մեկն է, և ներկայացրել վերջերս մեկնարկած՝ ՎԶԵԲ-ի աջակցությամբ իրականացվող «Տարածաշրջանային կոշտ կենցաղային թափոնների ինտեգրված համակարգի ներդրման» ծրագրի շրջանակներում իրականացված միջոցառումները և նախարարության դիտարկումները։ Հանդիպման ընթացքում քննարկվել են նաև ՎԶԵԲ-ի աջակցությամբ իրականացված «Կոտայքի և Գեղարքունիքի ԿԿԹԿ» ծրագրի շրջանակներում լրացուցիչ տեխնիկական աջակցության հնարավորությունները՝ ուղղված երկու մարզերում թափոնների կառավարման արդյունավետության բարձրացմանն ու կայունության ապահովմանը։ Հանդիպման ավարտին կողմերը պատրաստակամություն են հայտնել շարունակել քննարկումները համագործակցության շարունակության ապահովման շուրջ։ —00—ԼԱ The post Թափոնների կառավարման ոլորտը ՀՀ կառավարության առաջնահերթ ոլորտներից է. ՏԿԵ նախարարի տեղակալ appeared first on 24News .