Հայաստանը խաղաղություն է հաստատել Ադրբեջանի հետ․ դա տեղի է ունեցել անցյալ տարվա օգոստոսի 8-ին՝ Վաշինգտոնում՝ Սպիտակ տանը, ԱՄՆ նախագահ Դոնալդ Թրամփի աջակցությամբ և նախաձեռնությամբ։ Ինչպես հայտնում է ԱՊԱ-ն, այս մասին հայտարարել է ՀՀ վարչապետ Նիկոլ Փաշինյանը՝ ելույթ ունենալով Բրյուսելում կայացած «Եվրոպայի ապագան» (Future of Europe) գագաթնաժողովում, որը կազմակերպել էր Euronews-ը։ Ըստ նրա՝ Հայաստանի և Ադրբեջանի միջև իրական խաղաղություն կա։ «Այժմ մենք պետք է խաղաղության պայմանագիր ստորագրենք և վավերացնենք այն»,- հավելել է Փաշինյանը։ Նա նշել է, որ Հայաստանը ներկայումս կառուցում է իր հարաբերությունները Ադրբեջանի հետ։ «Վրաստանի հետ մենք ավանդաբար ունեցել ենք լավ համագործակցություն և սերտ կապեր։ Այժմ մենք հարաբերություններ ենք հաստատում Ադրբեջանի հետ։ Մեր երկրների միջև իրականացվում է երկկողմ առևտուր, և մենք պատրաստվում ենք իրականացնել եռակողմ նախագիծ, որը հնարավորություն կտա օգտագործել տարածաշրջանային ենթակառուցվածքային կապերը։ Այս բոլոր գործընթացները Հարավային Կովկասին կհաղորդեն բոլորովին նոր գլոբալ դեր», — հայտարարել է նա։ –00—ՅՄ The post Հայաստանի և Ադրբեջանի միջև իրական խաղաղություն կա․ Փաշինյանը՝ Բրյուսելում appeared first on 24News .