Հակակոռուպցիոն կոմիտեն Ազգային ժողովի «Քաղաքացիական պայմանագիր» խմբակցության նախկին պատգամավոր Հայկ Սարգսյանի նկատմամբ քրեական վարույթ է նախաձեռնել: Այն փոխանցվել է Քննչական կոմիտե։ Այս մասին ԱԺ-ում լրագրողների հետ ճեպազրույցում հայտնել է Քննչական կոմիտեի նախագահ Արթուր Պողոսյանը։ «Քրեական վարույթը նոր ենք ստացել Հակակոռուպցիոն կոմիտեից։ Այս պահին կատարվում են անհետաձգելի քննչական գործողություններ։ Այս պահին չեմ մտաբերի, թե ինչ հոդվածով է քրեական վարույթ նախաձեռնվել, միայն գիտեմ, որ կոռուպցիայի հետ է կապված»,- ասել է Արթուր Պողոսյանը։ Հիշեցնենք ՝ հոկտեմբերի 6-ին «Քաղաքացիական պայմանագիր» կուսակցության Վարչության որոշմամբ Հայկ Սարգսյանը և Ավետիք Օրդյանը հեռացվել էին «Քաղաքացիական պայմանագիր» կուսակցությունից։