Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Աբու Դաբիում կայանալիք Ուկրաինայի հարցի կարգավորման շուրջ բանակցություններին եվրոպական ներկայացուցիչների մասնակցությունը հնարավոր չէ։ «Ո՛չ, այս բանակցությունների դեպքում դա հնարավոր չէ, քանի որ խոսքը կոնկրետ, համաձայնեցված եռակողմ ձևաչափի մասին է, այսինքն Ռուսաստանն ու Ուկրաինան՝ Միացյալ Նահանգների՝ որպես միջնորդի մասնակցությամբ», — ասել է Պեսկովը «Վեստի» լրատվամիջոցին՝ մեկնաբանելով առաջիկա շփումներին Եվրոպայի մասնակցության հնարավորությունը։ Ավելի վաղ Պեսկովը հաստատել էր, որ նոյեմբերի 10-11-ին ռուսական պատվիրակությունը կմասնակցի Ուկրաինայում կարգավորման շուրջ եռակողմ բանակցություններին, իսկ պատվիրակությունը կգլխավորի ՌԴ նախագահի օգնական Վլադիմիր Մեդինսկին։