Հայաաստանում և դրանից դուրս կան առնվազն ուժեր, ում մեծագույն խնդիրն է, որ այդ պատմական շրջափուլը տեղի չունենա, այսօր խորհրդարանում հայտարարեց Նիկոլ Փաշինյանը։ «2026 թվականից քարտերը բացվել են, և կա խնդիր որոշ ուժերի առջև դրված, որ ՀՀ-ն ի վերջո չկարողանա կատարել այն տնտեսական հանձնառությունները և շարունակել այն տնտեսական զարգացման ճանապարհը, որը նախանշված է։ Հիմա այդ ամբողջ պրոցեսը կարող ենք ներկայացնել մեկ պայմանական վերնագրով, որը հենց հեղինակները են վերնագրել՝ «գաղտնի պլան»»,- ասաց նա։ Ըստ Փաշինյանի՝ ՀՀ ներսում այդ «գաղտնի պլանի» իրագործման ռեսուրս չկա, և «գաղտնի պլանի» հեղինակները պետք է ամեն ինչ անեն արտաքին ռեսուրսներ ներգարվելու համար։ Փաշինյանի խոսքով՝ պարզ է, որ այդ պլանը ԵԱՏՄ ու ՌԴ-ի որոշ շրջանակներում ունի աջակցություն, և դրա համար կան պատճառներ, քանի որ ՀՀ գործուղվել են մարդիկ շատ կոնկրետ խոսոտումներով։ «Թույլ տվեք արձանագրել որ ՀՀ-ում ընդդիմության գործունեությունը կապված է որոշ երաշխավորների տված երաշխիքների հետ և ինչպես որոշ դեպքերում, այս անգամ էլ, բարեբախտաբար, ընդդիմության համար, երաշխավորների հովանու ներքո գործունեությունը ավարտվելու է քաղաքական աղետով մեր հարգելի ընդդիմադիր գործընեկերների համար»։ Եվ ես, օգտվելով առիթից, որ իր ունեցած տեղեկությունները բավարար են նման պնդում անելու համար, գործընկերային ծառայություն է մատուցում ընդդիմությանը՝ պնդելով, որ նրանք դեռ ունեն ժամանակ այդ «աղետից խուսափելու համար»,- ասաց Փաշինյանը՝ շեշտելով, որ միակ երաշխիքը կարող է լինել միայն ՀՀ ժողովրդը։ The post Երաշխավորների հովանու ներքո գործունեությունն ընդդիմության համար ավարտվելու է քաղաքական աղետով. Փաշինյան appeared first on Ազգ .