ՀՀ կառավարությունը գործնականում արդեն սկսել ԹՐԻՓՓ նախագծի իրագործումը: Այս մասին այսօր 2027 թվականի պետական բյուջեի քննարկման ժամանակ ԱԺ-ում հայտարարեց վարչապետ Նիկոլ Փաշինյանը: «Հայաստանի կառավարությունը, մինչև հետագա գործընթացների կազմակերպումը, իր նախաձեռնությամբ կմեկնարկի ԹՐԻՓՓ նախագծի երկաթուղու, ավտոճանապարհի, էլեկտրահաղորդման գծերի նախագծի պատվիրելու հարցը, որ մենք ժամանակ չկորցնենք և սկսենք նախագծի շուրջ աշխատանքները: Որ պահին ԹՐԻՓՓ զարգացման ընկերությունը կձևավորվի, այդ պահին արդեն կատարված աշխատանքը ուղղակի ՀՀ կառավարությունը կփոխանցի ընկերությանը»,- նշեց նա: Նիկոլ Փաշինյանը շեշտեց՝ այս նախագծով Հայաստանը հաղթահարում է ավելի քան 30 տարի շարունակվող շրջափակումը: «Աներկբա և միանշանակ է, որ ԹՐԻՓՓ նախագծի իրագործման արդյունքում Հայաստանը բոլոր ուղղություններով ապաշրջափակվելու է: Ապաշրջափակվելու է արևելք-արևմուտք, հյուսիս-հարավ ուղղությամբ: Բոլոր այս ուղղություններով ապաշրջափակումը չի նշանակում է, որ բոլոր ենթակառուցվածքները լինելու են ԹՐԻՓՓ նախագծի մաս: ԹՐԻՓՓ նախագծի մաս են կազմելու Նռնաձոր-Կարճևան երկաթուղին, այնտեղ նաև էլեկտրական հաղորդման գծեր, ավտոճանապարհ: Գազամուղ, նավթամուղ թեմաներն ավելի ուշ քննարկման հարց են»,- նշեց Նիկոլ Փաշինյանը: The post ՀՀ կառավարությունը գործնականում սկսել ԹՐԻՓՓ նախագծի իրագործումը. Փաշինյան appeared first on Ազգ .