Վաշինգտոնի վարչակազմը առաջնահերթություն կտա տնտեսական հարցերին դեկտեմբերին Ֆլորիդայում կայանալիք «Քսանյակի խմբի» (G20) գագաթնաժողովում, ասվում է Պետդեպարտամենտի կողմից տարածված հայտարարության մեջ։ «Ատլանտայում ԱՄՆ պետքարտուղար Մարկո Ռուբիոն G20 երկրներին վերաուղղորդել է տնտեսական աճը խթանելու և տնտեսական անվտանգությունը ամրապնդելու իրենց հիմնական առաքելության վրա», – ընդգծել է Պետդեպարտամենտը Ատլանտայում G20-ի արտաքին գործերի նախարարների հանդիպումից հետո։ Պետդեպարտամենտը վստահեցրել է, որ «Միացյալ Նահանգները կշարունակի ղեկավարել այս աշխատանքը գործընկերների հետ դեկտեմբերին Մայամիում կայանալիք G20-ի առաջնորդների գագաթնաժողովում»։ Միացյալ Նահանգները 2026 թվականին կանցկացնի G20-ի նախագահությունը։ Դեկտեմբերի 14-15-ը Մայամիի մոտ նախատեսված գագաթնաժողովը կլինի G20-ի վերջին միջոցառումը Միացյալ Նահանգներում։