Մամուլում տեղեկություններ են տարածվել, որ արգենտինացի 39-ամյա հարձակվող Լիոնել Մեսսին ծրագրում է հունվարին հեռանալ «Ինտեր Մայամիից» և տեղափոխվել արգենտինական «Նյուելս Օլդ Բոյս»։ Սա այն ակումբն է, որտեղ սկսել է Մեսսին իր պրոֆեսիոնալ կարիերան։ Հայտնի ինսայդեր Ֆաբրիցիո Ռոմանոն, սակայն, հայտարարել է, որ ներկա պահին որևէ հիմք չկա ենթադրելու, թե ֆուտբոլիստը կլքի ամերիկյան թիմը։ Մեսսին ունի գործող պայմանագիր մինչև 2028 թվականը, որը մտադիր է ավարտին հասցնել։ Աղբյուրն ընդգծում է, որ նա լիովին գոհ է ակումբում իր կարգավիճակից, իսկ նրա ընտանիքն իրեն հարմարավետ է զգում Մայամիում։ Ընթացիկ մրցաշրջանում «Ինտեր Մայամիի» կազմում բոլոր մրցաշարերում անցկացրած 34 հանդիպումներում Մեսսին դարձել է 29 գոլի և 15 գոլային փոխանցման հեղինակ։