Իրանի շուրջ հակամարտության հետևանքով էներգակիրների թանկացման պատճառով եվրոպացի սպառողների կրած լրացուցիչ ծախսերը գերազանցել են 100 միլիարդ եվրոն։ Այս մասին հայտարարել է Գերմանիայի կանցլեր Ֆրիդրիխ Մերցը՝ Հարավային Կորեայում լրագրողների հետ զրույցում։ «Իրանի շուրջ հակամարտությունը լայնածավալ ազդեցություն է ունենում Եվրոպայի վրա։ Դրա հետևանքով մենք արդեն հսկայական ծախսեր ենք կրում։ Միայն էներգակիրների թանկացման պատճառով վերջին ութ ամսում միայն Եվրոպայի կրած կորուստները գերազանցել են 100 միլիարդ եվրոն», – ասել է կանցլերը։ Մերցի խոսքով՝ այդքան գումար եվրոպական ձեռնարկություններն ու շարքային սպառողները ստիպված են եղել հավելյալ վճարել վառելիքի գների աճի պատճառով։ Հետևաբար Եվրոպան շահագրգռված է հնարավորինս արագ դադարեցնել հակամարտությունը։ Նա նաև նշել է, որ ԱՄՆ-ի և Իրանի միջև հակամարտությունը պետք է կարգավորվի դիվանագիտական ճանապարհով, քանի որ ռազմական միջոցներով այն լուծել հնարավոր չէ։ Մերցի խոսքով՝ Եվրոպան տարբեր ուղիներով դիվանագիտական ջանքեր է գործադրում հակամարտության հնարավորինս արագ կարգավորման ուղղությամբ։ —00—ՍՊ The post Իրանի շուրջ հակամարտությունը Եվրոպայի համար ավելի քան 100 մլրդ եվրո է արժեցել․ Մերց appeared first on 24News .