ԵՐԵՎԱՆ, 30 հոկտեմբերի – Sputnik. Օլիմպիական չեմպիոն, հունահռոմեական ոճի ըմբիշ Արթուր Ալեքսանյանը ևս երկու տարով կվերանշանակվի ՅՈՒՆԻՍԵՖ-ի ազգային դեսպան։ Վերանշանակումը եղավ այսօր COP17-ի Կանաչ գոտու բեմում`«Գործելով միասին՝ հանուն երեխաների և բնության պաշտպանության» խորագրով միջոցառման շրջանակում։Արարողությանը հաջորդեց պանելային քննարկում՝ սպորտի, կենսաբազմազանության և կրթության փոխկապակցվածության վերաբերյալ։Նախատեսված է նաև «Սևանիկ» անիմացիոն շարքի առաջին երեք սերիաների բացառիկ պրեմիերան։ Շարքը ստեղծվել է երեխաների շրջանում բնապահպանական իրազեկվածությունը բարձրացնելու նպատակով։Միջոցառմանը մասնակցում են Հայաստանում ՅՈՒՆԻՍԵՖ-ի ներկայացուցիչ Ղասսան Խալիլը, ՀՀ ԿԳՄՍ նախարար Ժաննա Անդրեասյանը։Նշենք, որ Արթուր Ալեքսանյանը ՅՈՒՆԻՍԵՖ-ի բարի կամքի դեսպան էր նշանակվել 2019 թվականին հոկտեմբերի 18–ին։ Հիշեցնենք, որ հոկտեմբերի 17–ին Օլիմպիական չեմպիոն Արթուր Ալեքսանյանը ենթարկվել է ողնաշարի վիրահատության: