Բոսնիա և Հերցեգովինայում Եվրամիության EUFOR ռազմական առաքելության ուղղաթիռի կործանման հետևանքով երեք մարդ է զոհվել, ևս 12-ը վնասվածքներ են ստացել: Այս մասին հայտնել է Բրչկոյի շրջանի վարչակազմի ղեկավար Սինիշա Միլիչը:EUFOR-ի իտալական զորախմբի CH-47 Chinook ծանր ռազմատրանսպորտային ուղղաթիռը վթարի է ենթարկվել այսօր Բրչկոյի շրջանի Գորնիցե բնակավայրի մերձակայքում:EUFOR-ի առաքելությունում առայժմ չեն հստակեցրել զոհերի և տուժածների թիվը՝ հայտնելով միայն պատահարի հանգամանքների համակողմանի հետաքննության մասին:Բոսնիա և Հերցեգովինան մասնակցում է ՆԱՏՕ-ի «Գործընկերություն հանուն խաղաղության» ծրագրին: 2004 թվականից երկրում գործում է EUFOR ALTHEA խաղաղապահ առաքելությունը, որի սկզբնական թիվը գերազանցում էր 5 հազար զինծառայողը՝ ԵՄ և ՆԱՏՕ-ի երկրներից, ինչպես նաև Շվեյցարիայից և Չիլիից:2022 թվականի սկզբին իրականացված վերակազմավորումից հետո միջազգային զորախմբի թիվը կրճատվել է՝ հասնելով շուրջ 1,1 հազար զինծառայողի, որոնք տեղակայված են Սարաևոյի Բուտմիր ռազմաբազայում և երկրի այլ շրջաններում:Այսօր EUFOR-ի հիմնական խնդիրներն են աջակցությունը Բոսնիա և Հերցեգովինայի զինված ուժերի պատրաստմանն ու արդիականացմանը, ինչպես նաև օգնությունը տեղական իշխանություններին՝ անվտանգության ապահովման գործում: