ԵՐԵՎԱՆ, 29 հոկտեմբերի – Sputnik. Ամենայն հայոց կաթողիկոս Գարեգին Երկրորդը Օքսֆորդի համալսարանի Բլեքֆրայերս Հոլի Լաս Կասասի սոցիալական արդարության ինստիտուտի տնօրեն, ավագ գիտաշխատող դոկտոր Հյուգո Սլիմի հետ քննարկել է բռնի տեղահանված արցախահայության իրավունքների պաշտպանության ու Արցախի հայկական հոգևոր-մշակութային ժառանգության պահպանության հետ կապված հարցեր։ Այս մասին հայտնում է Մայր աթոռի տեղեկատվական համակարգը` նշելով, որ հանդիպումը կայացել է այսօր՝ Մայր Աթոռ Սուրբ Էջմիածնում։Մայր աթոռից հայտնել են նաև, որ քննարկվել են Բլեքֆրայերս Հոլի և Մեծ Բրիտանիայի ու Իռլանդիայի հայոց թեմի գործակցության ընդլայնման հնարավորությունները, մասնավորապես՝ արցախահայության իրավունքների և հայկական ժառանգության պաշտպանության վերաբերյալ ակադեմիական հետազոտությունների կազմակերպումն ու Օքսֆորդում գիտաժողովների անցկացումը։