Աշխարհի 24-րդ ռակետ Կարեն Խաչանովը մեկնաբանել է իր մասնակցությունը Վիեննայում անցկացվող ATP-500 մրցաշարին։ «Ես մեծ հաճույք ստացա խաղից և արեցի առավելագույնը։ Ցավոք, ստիպված եմ վաղաժամ լքել այս հրաշալի մրցաշարը, բայց շատ գոհ եմ իմ խաղամակարդակից և մարտական ​​ոգուց։ Լեփ-լեցուն տրիբունաների առջև խաղալը իսկական հաճույք էր։ Շնորհակալություն բոլոր նրանց, ովքեր եկան ինձ աջակցելու։ Կհանդիպենք հաջորդ տարի, Վիեննա», – գրել է Խաչանովը ինստագրամյան էջում։ Առաջին շրջանում Կարեն Խաչանովը 4:6, 6:7 (5:7) հաշվով պարտվել էր աշխարհի երրորդ ռակետ, իսպանացի Կառլոս Ալկարասին։