«Մարդիկ, որ ամիսներով մեր նեռվերը սղոցում էին, բերաններին կերան»: Այս մասին ԱԺ ամբիոնից հայտարարել է «Ուժեղ Հայաստան» խմբակցության ղեկավար Նարեկ Կարապետյանը «Այսօր ինչ տեղի ունեցավ, դա ընդհանրապես պառլամենտարիզմի սովորական պրոցես է։ Պառլամենտի մարդիկ, ովքեր ունեն տարբեր հայացքներ, կարող են ունենալ կոնֆլիկտ։ Ու այն մարդիկ, ովքեր ամբիոններից ուղղակի մեր նյարդերը սղոցում էին այստեղ, կերան, բերնին կերան ու լավ կերան: Ի դեպ, մենք անում ենք նենց բան, որը չի արել Սեյրան Օհանյանը: Չի արել ժամանակին, դրա համար հիմա կարիք եղավ անելու»,- ԱԺ ամբիոնից հայտարարել «Ուժեղ Հայաստան» խմբակցության ղեկավարը: Կարապետյանը հիշեցրել է Սեյրան Օհանյանի մասին, քանի որ նախորդ գումարման ԱԺ նիստերից մեկի ժամանակ վերջինս շիշ էր նետել ՔՊ խմբակցության պատգամավոր Հայկ Սարգսյանի ուղղությամբ այն բանից հետո, երբ վերջինս ասել էր, որ պաշտպանության այն նախարարները, որոնց պաշտոնավարման ժամանակ բանակից փողով մարդ է ազատվել, «պետական դավաճան են»։ Հիշեցնենք, որ այսօր ԱԺ-ում Տարոն Չախոյանի ելույթից հետո ՔՊ և «Ուժեղ Հայաստան» խմբակցությունների պատգամավորների միջև քաշքշուկն ավարտվել է ծեծկռտուքով։ Չախոյանն անդրադարձել էր կոռուպցիային և քաղաքական գործիչների ընտանիքի անդամներին թիրախավորելու թեմային։ Իրավիճակը լարվեց, երբ Չախոյանը հիշեցրեց, որ Կարեն Կարապետյանի որդին խոսել է նոր նախարարություն բացելու մասին, որը, ըստ վերջինիս, «պետք է բավարարեր բոլոր կանանց կարիքները»: The post «Մարդիկ, որ ամիսներով մեր նեռվերը սղոցում էին, բերաններին կերան». Նարեկ Կարապետյան appeared first on Infocom .