ԵՐԵՎԱՆ, 29 հոկտեմբերի — Sputnik. Արթուր Ջավադյանն ազատվել է հատուկ հանձնարարություններով դեսպանի պաշտոնից։ ՀՀ վարչապետ Նիկոլ Փաշինյանի համապատասխան որոշումը հրապարակվել է կառավարության պաշտոնական կայքում։Նշենք, որ Ջավադյանը հատուկ հանձնարարություններով դեսպան էր նշանակվել 2020 թվականի հունիսի 16–ին։Մինչ այդ` 2008-2020 թվականներին, նա գլխավորել է ՀՀ Կենտրոնական բանկը, իսկ 2003-2008 թվականներին եղել է ԿԲ նախագահի տեղակալ։1990-ականներին նա պաշտոններ է զբաղեցրել Հայաստանի բանկային համակարգում, ինչպես նաև Սևծովյան առևտրի և զարգացման բանկում (BSTDB), որը գործում է Սևծովյան տնտեսական համագործակցության կազմակերպության ներքո։